Azərbaycanın premium səviyyəli kinoteatrı “28 Cinema” gözlənilən film ilə bağlı tədbir təşkil edib. Kinoteatr mövsümün ən gözlənilən filmlərindən olan “Həkim: Avitsenanın tələbəsi”nin premyera öncəsi nümayişini təşkil edib.

Premyera öncəsi nümayişdə qonaqlar üçün şərq rəqsi, şərq şirniyyatlarında furşet təşkil olunmuş və müsabiqə keçirilmişdir. Qaliblərə isə filmin eyni adlı kitabı hədiyyə olunmuşdur. Tədbirdə ölkənin bir çox məhşur simaları, mədəniyyət və incəsənət xadimləri, iri şirkətlərin rəhbərləri, ictimai xadimlər, jurnalist və bloggerlər iştirak edib.

Filmdə hadisələr XI əsrdə İngiltərədə baş verir. On yaşlı Rob Koulun anası qorxulu əzablar ilə ölür. Heç kəs onun xəstəliyinin təbiətini başa düşmür və ona qarşı dərman tapılmır. Balaca Rob, heç nəyə baxmayaraq bunun sirrini açmağa qərar verir. O, İngiltərədən İranadək yol qət etməli olur. İlk müəllimi adi fırıldaqçı Barber olur, daha sonra isə dahi həkim Avitsenna. Müdrik müəllim Robda qeyri-adi istedad görür, lakin tələsik işlər görməməyi məsləhət görür, hansılar ki, həmin əsrə uyğun deyil.

Film Almaniya istehsalıdır və rejissoru Filip Ştöltseldir. Rolları isə Tom Peyn, Ben Kinqsli, Stellan Skarsqard, Olivye Martines və Emma Tiqbi kimi məhşurlar oynayıb.