“28 Cinema” möhtəşəm Qala-gecə keçirdi

21.05.2014

Azərbaycanın premium səviyyəli kinoteatrı “28 Cinema” may ayının 21-də möhtəşəm Qala-gecə keçirib.

Kinoteatr premyeradan bir gün öncə mövsümün ən çox gözlənilən filmi olan “Monako Şahzadəsi” filmi üçün qapalı nümayiş keçirib.

“Qarant Sığorta”, Nargis jurnalı, 107.7 “AvtoFM”, “Paşa Bank” və “Wedding Art House”un sponsor olduqları tədbirə ölkənin bir çox məşhur simaları, mədəniyyət və incəsənət xadimləri, iri şirkətlərin rəhbərləri və ictimai xadimlər dəvət olunublar. Qala-gecə həmçinin, ölkənin aparıcı kütləvi informasiya vasitələri, media nümayəndələri tərəfindən işıqlandırılıb.

Tədbirdə qonaqlar üçün furşet təşkil olunub, sponsorlar tərəfindən müxtəlif müsabiqələr keçirilib və sonda intizarla gözlənilən “Monako Şahzadəsi” filmi nümayiş olunub.