Azərbaycanın premium səviyyəli kinoteatrı “28 Cinema” ümummilli lider Heydər Əliyevin anadan olmasının 91 illiyi münasibətilə film təqdim edəcək.

May ayının 10-da kinoteatrda Vaqif Mustafayevin Ulu Öndər haqqında çəkdiyi “Ata Yolu” filmi nümayiş olunacaq. Nümayişdə Bakı məktəblərinin şagirdləri də iştirak edəcək və filmi izləyəcəklər.

“Ata Yolu” Vaqif Mustafayevin Heydər Əliyevə həsr etdiyi 12 filmdən sonuncusudur. Film Heydər Əliyevin həyat və fəaliyyətinə həsr olunub. Bundan başqa filmdə prezident İlham Əliyevin ümummilli liderin yenidən hakimiyyətə qayıdışına dair xatirələrindən danışılır.

Film may ayının 10-da saat 12:00 seansında nümayiş olunacaq. Filmin nümayişi pulsuzdur.