Oktyabr ayının 20-dən 25-dək “28 Cinema” kinoteatrında, bütün dünyada keçirilən italyan dili həftəsi çərçivəsində İtaliya cəmiyyəti olan N.I.C.E və İsveçrənin Azərbaycandakı səfirliyinin dəstəyi ilə İtaliya Film Festivalı keçiriləcək.

Tədbirdə altı film nümayiş olunacaq - “La Grande Bellezza” (“Böyük gözəllik”), “Nuovo cinema paradise” (“Yeni “Paradizo” kinoteatrı”), “La Vitae’ bella” (“Həyat gözəldir”), “Il Capitale Umano” (“İnsan kapitalı”) və s.

Qeyd edək ki, “Böyük gözəllik” filmi – “Oskar 2014” mükafatının laureatçısıdır və Azərbaycanda ilk dəfə olaraq nümayiş olunacaq. Festivalın fəxri qonağı – italyan aktrisası Anita Kravosdur.

İtalyan filmi hər zaman xüsusi və təkrarolunmaz olub. İtalyan rejissorlarının müxtəlif səpkilərdə yaratdığı filmlər, bəzən bütünlüklə abstraksiya, metafora, mistika filmlər həmişə dünya kinematoqrafiyasının qızıl fonduna daxil olub və italyan kinematoqrafiyasını və mədəniyyətini sevənlər üçün bir ilham mənbəyi olub.

Layihənin sponsorları Yapikredit Bank, Port Baku, Hilton Hotel. Festivalın informasiya dəstəyi isə Nargis Magazine jurnalıdır.