“28 Cinema” kinoteatrı Azərbaycanda “Yaponiya Film Festivalı” keçirir.

Hər zaman müxtəlif film festivalları və tədbirləri təşkil edən “28 Cinema” kinoteatrı Yaponiyanın Azərbaycandakı səfirliyinin təşkilati dəstəyi və “JTİ” şirkətinin sponsorluğu ilə Azərbaycanda “Yaponiya Film Festivalı” keçirəcək. Festival 20-23 iyun tarixlərində “28 Cinema” kinoteatrında keçiriləcək.

İyun ayının 19-da kinoteatr festivalın rəsmi açılışı çərçivəsində kütləvi informasiya vasitələrinin nümayəndələri üçün mətbuat konfransı keçiriləcək. Konfransda “JTİ” şirkətinin və Yaponiyanın Azərbaycandakı səfirliyinin nümayəndələri iştirak edəcək.

Festivala giriş pulsuzdur. Seansların proqramı haqqında ətraflı məlumat 28cinema.az saytında və kinoteatrın rəsmi Facebook səhifəsində yerləşdiriləcək.

Festivala aşağıdakı filmlər daxildir:

Xoşbəxt uçuş (Rejissor: ŞinobuYaquçi)

Hankyu qatarı (Rejissor: Yoşişiqe Miyake)

On altı yaşlılar üçün Buşido (Rejissor: Tomoyuki Furuyama)

Xəttat qızlar (Rejissor: Ryuiçi İnomata)

Məndən sənə (Rejissor: Naoto Kumazava).