“CinemaPlus” kinoteatrlar şəbəkəsi dekabrın 13-dən “King’s Man: Başlanğıc” filminin nümayişinə başladı. Bu, bəşəriyyətin xeyrinə gizli fəaliyyət göstərən super-casus təşkilatın yaranmasının hekayəsidir.

Baş rollarda Reyf Fayns, Xarris Dikinson və Cemma Arterton.

Filmin rejissoru Mettyu Von. Müddəti 145 dəqiqə. Yaş həddi 18+

Film haqqında qısa məlumat: Korrupsioner siyasətçilərin və kriminal dahilərin qorxunc ittifaqı dünyanı milyonlarla insanın həyatına son qoya biləcək müharibənin astanasına aparır. Problemi həll etməyə və yaramazları dayandırmağa hazır olan yalnız bir adam var.

“Qışqırıq” qorxulu film

“CinemaPlus” kinoteatrlar şəbəkəsində ABŞ istehsalı olan “Qışqırıq” qorxulu filmin nümayişi başlayır.

Filmin rejissorları Mettyu Bettinelli və Tayler Cillet. Baş rollarda Melissa Barrera, Kayl Qalner və Meyson Qudinq. Müddəti 130 dəqiqə. Yaş həddi 18+

Film haqqında qısa məlumat: Sakit Vudsboro şəhərini sarsıdan bir sıra amansız qətllərdən 25 il sonra, daha bir manyak Kabus üz maskasını taxmağa çalışacaq və keçmişin təhlükəli sirlərini açaraq bir qrup yeniyetməni təqib etməyə başlayacaq...

“Nalan” komediyası

“CinemaPlus” kinoteatrlar şəbəkəsində Türkiyə istehsalı olan “Nalan” komediyasının nümayişi baş tutur.

Filmin rejissoru Fatih Mutlu. Baş rollarda Açelya Topaloğlu, Sergen Deveci və Berna Koraltürk. Müddəti 126 dəqiqə. Yaş həddi 6+

Film haqqında qısa məlumat: Səhər verilişinin məşhur aparıcısı Nalan qəzadan sonra 2 ildir ki, verilişinə fasilə verir. Fasilədən sonra verilişinə yenidən başlamaq qərarına gələn Nalanın ilk qonaqlarından biri də keçmiş sevgilisi, reper Tələt olub. Amma Nalanda canlı yayım başlayandan az sonra nəsə baş verir: ona sual verəndə istər-istəməz fikirləşdiyinin əksini deyir.