Premium kinoteatr “CinemaPlus Ganjlik Mall”da, “Cinemazadeh” studiyasında Azərbaycan dilində peşəkar dublyaj olunmuş “Spark. Bəşəri Qəhrəman” cizgi filminin təqdimatı baş tutub.

Verilən xəbərə görə, dublyajın baş redaktoru Xətai Əli, rejissoru Rövşən Məmmədli, prodüseri Tural Əsədov, səs rejisoru Orxan Həsənli, masterinqi Azad Vəliyev, tərcüməçisi Xumar Quluzadə, post-prodakşnı Vüqar İslamzadə, direktoru Cəfər Axundzadədir.

Animasiya filmini Əməkdar artistlər Murad Dadaşov, Sənubər İsgəndərli və Cabir İmanov, İslam Mehrəliyev, Hüsniyyə Məhərrəmova, Tural Əsədov, Azər Aydəmir, Rövşən Məmmədli kimi məşhur aktyor və aparıcılar səsləndirib.

Ailəvi komediya cizgi filminin rejissoru Aaron Vudlidir.

Cizgi filminin qısa məzmunu belədir: Qüdrətli şər qüvvələr gözəl planeti zəbt ediblər və kainatı əsarət altına alıblar. Lakin heç nə Spark və onun dostlarını təslim olmağa məcbur edə bilməz.

Əgər səndə cəsur və xeyirxah ürək, qalib gəlməyə əyilməz əzm və sadiq komanda varsa, istənilən vəzifənin öhdəsindən gələ bilərsən. Kainatın xilası üçün ulduz tapşırığı başlayır...