“CinemaPlus” premium kinoteatrlar şəbəkəsi “Azeri Business Award - 2016” mükafatı laureatı olub. Mükafatı “CinemaPlus” kinoteatrlar şəbəkəsinin Baş direktoru Zaur Darabzadə alıb.

“JW Marriott Absheron Baku” hotelində 2016-cı ilin yekunu etibarilə biznes sahəsində “Azeri Business Award Milli” mükafatının təqdimetmə mərasimi baş tutub.

Tədbirdə 100-dən çox aparıcı şirkətin nümayəndələri, diplomatik şəxslər, xarici qonaqlar və KİV nümayəndələri toplanıb.

Mərasim “Business Time” aylıq işgüzar jurnalı tərəfindən təşkil edilib.

Qeyd edək ki, “Azeri Business Award” mükafatlandırma mərasimi Azərbaycanın işgüzar həyatında ən nüfuzlu hadisələrdən biridir.