“CinemaPlus” kinoteatrında “Respublika Günü” festivalı keçirilib

30.05.2017

Respublika günü - Azərbaycanda hər il mayın 28-də qeyd olunan milli bayramdır. Bu bayram Azərbaycan xalqının tarixində ən parlaq səhifələrindən biridir və bununla əlaqədar “CinemaPlus” premium kinoteatrlar şəbəkəsi festival təşkil edib.

Milli geyimdə iştirak edən zərb alətləri ifaçıları “CinemaPlus” kinoteatrlar şəbəkəsinin işçiləri ilə birlikdə milli musiqinin sədaları altında kinoteatrın foyesi və “28 Mall” ticarət mərkəzində yürüş edərək xeyli rəqs ediblər. Festival, həmçinin Bakı şəhərinin mərkəzi yerləri üzrə davam etdirilib və “Cinemaplus Azerbaijan” kinoteatrında başa çatıb.

Yürüşə qoşulan insanlar isə böyük həvəslə iştirak edərək çoxlu sayda yaddaqalan foto və selfi çəkdiriblər.