“CinemaPlus 28 Mall” (Bakı şəhəri) və “CinemaPlus Khamsa”da (Gəncə şəhəri) 1945-ci ildə Üzeyir Hacıbəyovun operettası əsasında çəkilən və baş rolda Rəşid Behbudovoun yer aldığı restavrasiya olunmuş “Arşın mal alan” filmi göstəriləcək.

Eyni tarixdə “Cinemaplus 28 Mall”da “ADDIM” Gənclər Təşkilatı ilə birgə bir neçə filmin də nümayişi olacaq.

Mədəniyyət və Turizm Nazirliyinin sifarişi ilə Cəfər Cabbarlı adına “Azərbaycanfilm” kinostudiyasında çəkilən “Yarımçıq xatirələr” filmi.

Əsas çəkiliş səhnələri Belarusda Brest, Minsk və Vileyka qəsəbəsində aparılıb. Film 1941-ci ildə qəhrəmancasına Brest divarlarını müdafiə etmiş, 50 il sonra isə öz doğma Dağlıq Qarabağ torpaqlarını düşmənlərdən qoruyan əsgər haqqındadır.

Yazıçı Çingiz Abdullayevin “Quba Kapriççiosu” romanının motivləri əsasında çəkilən və məşhur Dronqo haqqında yazılan kitablar silsiləsinə daxil olan “Xeyirlə şərin rəqsi” filmi.

Bir ailənin faciəsi haqqında bəhs edən və Azərbaycan kinematoqrafiyasının əsas ulduzlarının iştirakı ilə çəkilən “Pərdə” filmi.

Məktəblilərin çəkildiyi “Dərs” filmi.

“Oğlan evi: Azərbaycansayağı qarət” komediyasının nümayişi.

“CinemaPlus 28 Mall”da biletlərin qiyməti 3 manat, “CinemaPlus Khamsa”də isə 2 manat təşkil edəcək.