“CinemaPlus”da ulduzlu kinomarafon

25.03.2017

“CinemaPlus Azerbaijan” kinoteatrında martın 17-dən 18-nə keçən gecə üç filmdən ibarət ulduzlu kinomarafon keçirilib.

Redaksiyasına daxil olan press-relizdə bildirilir ki, 23:30-dan səhər saat 6:00-dək qonaqlar üçün “Super Alibi”, “Bayram axşamı” və “Stalinin Başı” filmlərinin nümayişi keçirilib.

“Super Alibi” filmi “Cinemazadeh” studiyasında məşhur aktyorlar tərəfindən azərbaycan dilinə dublyaj olunub. Həmin aktyorlar “Kino Gecə”də iştirak etmişdilər. Həmçinin “Bayram axşamı” və “Stalinin Başı” filmlərinin aktyor heyəti də tədbirdə idi.

Kinoteatrda musiqi müşayiəti ilə Novruz bayramı ab-havası var idi. Eyni zamanda furşet masası, alkoqollu və alkoqolsuz içkilər, müsabiqələr və mükafatların oynanılması təşkil olunmuşdu.

Tədbirin təşkilində dublyaj redaksiyası Cinemazadeh, Özsüt restoranlar şəbəkəsi, Hillside-dan premium çaxırlar, Red Bull, Sabina parfümeriya-kosmetika mağazalar şəbəkəsi, Bella Pizza, Orqanik Qida, Alfreda by Sassofono və Baltika-Baku pivə zavodu dəstək olmuşdurlar.