“CinemaPlus”da unudulmaz gecə

22.02.2017

“CinemaPlus Azerbaijan” kinoteatrında fevralın 18-dən 19-na keçən gecə “Kino gecəsi” tədbiri keçirilib. Saat 23:30-dan səhər saat 7:00-dək qonaqlara “Pazmaniya şeytanı”, “Niyə o?” və “Aramızdakı kosmos” filmləri nümayiş olunub.

Kinoteatrda musiqi müşayiəti altında rahat əyləncəli şərait yaradılıb. Həmçinin furşet masası, alkoqollu və alkoqolsuz içkilər, müsabiqələr və mükafatların oynanılması təşkil olunub.

Tədbirin təşkilinə dublyaj redaksiyası “Cinemazadeh”, “Özsüt” restoranlar şəbəkəsi, “Hillside”dan premium çaxırlar, “Red Bull”, “Sabina” parfümeriya-kosmetika mağazalar şəbəkəsi, “Bella Pizza”, “Like Tea” və “Baltika-Baku” pivə zavodu dəstək olub.