“Eurovision-2011” mahnı müsabiqəsində ölkəmizə 1-ci yeri qazandıran təmsilçimiz Eldar Qasımov “THE ONE” mahnısına çəkilmiş yeni klipini təqdim edib.

“28 Cinema”da baş tutan təqdimatda ifaçının sənət dostları və mətbuat nümayəndələri iştirak edib.

İngilis dilində yazılmış mahnının müəllifləri isveçli Yohan Camptberq, Mikael Hunneras və Eldarın özüdür.

Klipin rejissorluğunu Ceyhun İbrahimoğlu öhdəsinə götürüb, prodüsser Zəhra Bədəlbəyli, operator isə Rauf Qurbanəliyevdir. Klipdə həmçinin aktrisa Yelena Şahmədova və NERO qrupu da çəkilib.