Əfsanəvi kinoteatr “CinemaPlus Azerbaijan”da “Kino gecəsi” keçirilib

18.01.2017

Əfsanəvi kinoteatr “CinemaPlus Azerbaijan”da yanvarın 13-dən 14-nə keçən gecə “Kino gecəsi” tədbiri keçirilib. Saat 23:30-dan səhər saat 6:00-dək qonaqlara “Bəd Santa - 2”, “Yolkalar - 5” və “Haşhaşilərin kredosu” filmləri nümayiş olunub.

Kinoteatrda musiqi müşayiəti ilə Yeni il ab-havası var idi. Həmçinin furşet masası, alkoqollu və alkoqolsuz içkilər, müsabiqələr və mükafatların oynanılması təşkil olunub.

Tədbirin təşkil edilməsinə dublyaj redaksiyası “Cinemazadeh”, “Özsüt” restoranlar şəbəkəsi, “Red Bull”, “Sabina” parfümeriya-kosmetika mağazalar şəbəkəsi, “Papa Johns Pizza Azerbaijan” və “Baltika-Baku” pivə zavodu dəstək olublar.