Azərbaycanın premium kinoteatrı “CinemaPlus”da mart ayının 29-da “Kloverfild, 10” filminin mətbuat üçün öncədən nümayişi keçirilib.

Cey Cey Abramsın prodüserliyi ilə rejissor Den Traktenberqin çəkdiyi film, sözsüz ki, elmi fantastik janrın yaraşığı olacaq. Filmdə sirr, təhqiqat, dram, komediya var və bütün bunlar böyük bir günbəzin altında gizlənir. Hansı ki, sona kimi üstü açılmır.

Baş rollarda Meri Elizabet Uinsted, Con Qudman və Con Qallaher çəkiliblər.

Filmin qısa məzmunu: Avtomobil qəzasından sonra qız bir vətəndaşın zirzəmisində ayılır. Həmin vətəndaş iddia edir ki, qızı kimyəvi hücumdan xilas edib, hansı ki, bunkerin hüdudlarından kənarda dünyanı yaşayış üçün yararsız edib.