Azərbaycanın premium səviyyəli kinoteatrı “28 Cinema” noyabr ayının 20-də məşhur türk kino ulduzlarının iştirakı ilə möhtəşəm Qala premyera keçirib.

”28 Cinema” kinoteatrı, “Kofteci” restoranı və “Synergy Partneship” şirkətinin sponsorluğu ilə təşkil olunan tədbir Türkiyədə və Azərbaycanda böyük maraqla gözlənilən “Birleşen Gönüller” filminin premyerasına həsr olunub.

Tədbirdə filmin qəhrəmanlarından olan Atılgan Gümüş, Sema Çeyrekbaşı, Serkan Şenalp, Ferdi Akarnur kimi məşhur türk aktyorları iştirak ediblər. Gecədə türkiyəli qonaqlar ilə yanaşı ölkəmizin bir çox məşhur simaları, şirkət rəhbərləri, media nümayəndələri iştirak ediblər. Tədbirdə qonaqlar üçün furşet və fotosessiya təşkil olunub, həmçinin qeyd olunan filmin nümayişi keçirilib.

Nümayişdən sonra türk aktyorlarının və “28 Cinema” kinoteatrının nümayəndələrinin iştirakı ilə jurnalistlər üçün mətbuat konfransı keçirilib.