REAL TV-nin efirində yayımlanan verilişdə “44” bədii filminin uğuru və tamaşaçılar tərəfindən böyük maraqla qarşılanması müzakirə olunub.

Verilişin qonaqları Xalq artisti Şamil Süleymanlı, aktrisa Nuridə Musabəyli və CineMastercard kinoteatrlar şəbəkəsinin direktoru Zaur Darabzadə olublar.

Çıxışı zamanı Zaur Darabzadə filmin nümayişinin ilk 15 günündə 122 min tamaşaçı tərəfindən izlənildiyini vurğulayıb. O, bu göstəricinin filmin cəmiyyət tərəfindən böyük maraqla qarşılandığını nümayiş etdirdiyini qeyd edib. Həmçinin filmin nümayişi, tamaşaçıların reaksiyası və Azərbaycan kinosunun inkişafı baxımından bu cür layihələrin əhəmiyyətindən danışıb.

Verilişdə Şamil Süleymanlı və Nuridə Musabəyli də filmin ideyası, çəkiliş prosesi və tamaşaçılara çatdırdığı mesajlar barədə fikirlərini bölüşüblər.