8 Noyabr - Zəfər Günü ərəfəsində Nazlı An Xeyriyyə Təşkilatının kollektivi ilə “Nazlı Ana Təqaüd Proqramı”nın qalibləri İkinci Qarabağ Müharibəsindən bəhs edən “44” bədii filmini izləyiblər.

Nümayişdən əvvəl “CineMastercard” kinoteatrlar şəbəkəsinin baş direktoru Zaur Darabzadə Nazlı Ana Xeyriyyə Təşkilatının təsisçisi və sədri Səbinə Nağıyevanı, təşkilatın kollektivini və tələbə qızları salamlayaraq bu təşəbbüsə görə dərin minnətdarlığını ifadə edib.

Nümayiş üçün yaradılmış şəraitə görə kollektiv adından “CineMastercard” kinoteatrlar şəbəkəsinin rəhbərliyinə təşəkkürünü bildirən Fondun icraçı direktoru Elnur Kələntərov bu qəhrəmanlıq və məhəbbət dramının gələcək nəsil üçün böyük tərbiyəvi və mənəvi əhəmiyyət daşıdığını vurğulayıb. O, vətənpərvərlik ruhunu yaşadan bu filmə hər kəsin, xüsusilə gənclərin mütləq baxmalı olduğunu qeyd edib. Daha sonra ekran əsəri nümayiş olunub. Zəfər tariximizi, torpaqlarımızın azadlığı uğrunda mübarizə aparan qəhrəman oğullarımızın şücaətini əks etdirən “44” bədii filmi fondun kollektivi və tələbə qızlar tərəfindən böyük qürur hissi ilə izlənilib.

Xalqımıza Zəfər sevincini yaşadan qəhrəmanlarımızın əziz xatirəsi qəlbimizdə əbədi yaşayacaq.